Үш елге жаңа елшілер тағайындалды
Мемлекет басшысының Жарлығымен Қазақстанның Индонезия, Мексика және Латвия елдеріндегі елшілері тағайындалды, деп хабарлады Elorda.info Ақорданың ресми сайтына сілтеме жасап.
-->
Мемлекет басшысының Жарлықтарымен:
Сержан Оралбайұлы Әбдікәрімов Қазақстан Республикасының Индонезия Республикасындағы Төтенше және Өкілетті Елшісі лауазымына тағайындалды;
Тимур Владимирұлы Пірімбетов Қазақстан Республикасының Мексика Құрама Штаттарындағы Төтенше және Өкілетті Елшісі болып тағайындалды, ол Қазақстан Республикасының Латвия Республикасындағы Төтенше және Өкілетті Елшісі лауазымынан босатылды;
Дәурен Айтбайұлы Кәріпов Қазақстан Республикасының Латвия Республикасындағы Төтенше және Өкілетті Елшісі лауазымына тағайындалды, - делінген хабарламада.