Виталий Щиголев конькимен жүгіруден алтын медаль иеленді
Виталий Щиголев конькимен жүгіруден Жапонияда алтын медаль иеленді, деп хабарлады Elordainfo.kz Спортты дамыту дирекциясына сілтеме жасап.
Жапонияның Хатинохе қаласында конькимен жүгіруден халықаралық төрт құрлықтық турнир жалғасуда.
Отандасымыз Виталий Щиголев мас-стартта 8:22.05 уақыт көрсеткішімен мәреге бірінші болып келіп, жеңімпаз атанды. Күмісті канадалық спортшылар Дэвид Ла Рю (8:22.13) алса, қола Хейден Майерға (8:22.77) бұйырды.