Әлем чемпионатының финалында жолыққан қос Қазақстан тумасы

Бокстан 2003 жылы Бангкокте өткен әлем чемпионатының финалында еліміздің намысын қорғаған Галиб Джафаров Қазақстанда туған Виталий Тайбертпен жолықты, деп жазады Elorda.info тілшісі. 

Виталий Тайберт — 1982 жылы Ақмола облысы Михаиловка ауылында дүниеге келген. Қазақстан тәуелсіздік алған соң, 1992 жылы тарихи отаны - Германияға көшеді. 

10 жастағы Виталий өз-өзін дамыту мақсатында кикбокспен айналысуға ден қояды. Бірақ ол жерде қарсыласты қатты ұрмау ережесі оған ұнамайды. Салдарынан жарыстан шеттетіледі. Бапкері оған бокспен айналысуға кеңес береді. Нәтижесінде  спортқа бұлшық етін жетілдіру үшін ғана қатысқан Виталий Тайберт өсе келе үлкен додаларға араласып кетеді. 

2003 жылы Бангкокте финалда жеңілген ол күміс жүлде алады.

2003 жыл. 57 келі. 

1/16 финал. 

Галиб Джафаров — Жахоннгир Абдуллаев (Қырғызстан) 3-раундта техникалық нокаут,

Виталий Тайберт — Чен Тонгжоу (Қытай) автоматты жеңіс.

1/8 финал. 

Галиб Джафаров — Юденис Гонзалес (Куба) 27:14,

Виталий Тайберт —Бекзод Хидиров (Өзбекстан) 26:14.

1/4 финал. 

Галиб Джафаров —Суттисак Самаксаман (Таиланд) 29:18,

Виталий Тайберт — Олег Ефимович (Украина) 35:19.

1/2 финал. 

Галиб Джафаров — Хван Чо Сеок (Оңтүстік Корея) 32:17,

Виталий Тайберт — Абдусалам Хасанов (Тәжікстан) 19:17.

Финал. 

Галиб Джафаров — Виталий Тайберт 43:35.

2004 жылдың қыс мезгілінде Афины Олимпиадасының жолдамасы сарапқа салынған Еуропа чемпионатында топ жарады. Сайыс барысында Түркияны 48:13, Румынияны 65:41, Беларусьті 45:24, финалда Франция боксшысын уақытынан бұрын жеңеді. 

2004 Афины Олимпиадасында 57 келіде бақ сынап, жартылай финалға дейін жетті. Ал фаворит ретінде барған Галиб Джафаров 1/4 финалда 2 дүркін Олимпиада чемпионы Алексей Тищенкодан (Ресей) жеңілді. 

Афины Олимпиадасы. 2004 жыл. 

1/16 финал. 

Виталий Тайберт — Даниел Брезуела (Аргентина), 3-раундта техникалық нокаут. 

1/8 финал. 

Виталий Тайберт — Хедафи Джелфир (Франция) 40:26.

1/4 финал. 

Виталий Тайберт — Луиз Франко Васкес (Куба) 34:26.

1/2 финал. 

Виталий Тайберт — Сонг Гак Ким (Солтүстік Корея) 24:29.

Қазақстан ұлттық құрамасының бас бапкері болған Тұрсынғали Еділов те Виталий жайлы оң бағасын берген: 

Олимпиададан соң, 2005 жылы әскерилер арасындағы әлем чемпионатында топ жарады. 

2005 жылы Германияның Universum Box-Promotion компаниясымен келісімшартқа отырып, кәсіпқой бокспен айналысады. Отандасымыз Геннадий Головкин де 2005 жылы осы компаниямен келісіп, Виталий Тайберт екеуі 3 жылдай бір баспанада тұрады, бірге жаттығады.

2009 жылы Мексика боксшысы Умберто Мауро Гутьерресті ұпай санымен жеңіп, WBC тұжырымы бойынша жартылай жеңіл салмақта уақытша әлем чемпионы атанады. Ал 2010 жылы наурыз айында толыққанды әлем чемпионы атағы беріледі. 

2010 жылдың қараша айында чемпиондық белбеуін қорғау мақсатында жапон боксшысы Такахиро Аосен шығып, төрешілер шешімімен жеңілді. Жалпы кәсіпқой рингте 24 мәрте жеңіске жетіп, 2 рет қана есе жіберген.

Геннадий Головкин мен Виталий Тайберттің өзара ұқсастығы: 

2000 жылы Будапештте өткен жасөспірімдер арасындағы әлем чемпионатында 2 боксшы да 1-орын алды. 

2003 жылы ересектер арасындағы әлем чемпионатында Геннадий Головкин топ жарса, Виталий Тайберт 2-орын алды. 

2004 жылы Афины Олимпиадасында Геннадий Головкин күміс жүлде алса, Виталий Тайберт қола жүлдегер атанды. 

2005 жылы қос спортшы да кәсіпқой боксқа ауысты. 

2010 жылы Геннадий Головкин WBA тұжырымы бойынша орта салмақта әлем чемпионы атанса, Виталий Тайберт WBC тұжырымы бойынша жартылай жеңіл салмақта әлем чемпионы болды.

Қанат БАЙҰЗАҚОВ

-->

Бокстан 2003 жылы Бангкокте өткен әлем чемпионатының финалында еліміздің намысын қорғаған Галиб Джафаров Қазақстанда туған Виталий Тайбертпен жолықты, деп жазады Elorda.info тілшісі. 

Виталий Тайберт — 1982 жылы Ақмола облысы Михаиловка ауылында дүниеге келген. Қазақстан тәуелсіздік алған соң, 1992 жылы тарихи отаны - Германияға көшеді. 

10 жастағы Виталий өз-өзін дамыту мақсатында кикбокспен айналысуға ден қояды. Бірақ ол жерде қарсыласты қатты ұрмау ережесі оған ұнамайды. Салдарынан жарыстан шеттетіледі. Бапкері оған бокспен айналысуға кеңес береді. Нәтижесінде  спортқа бұлшық етін жетілдіру үшін ғана қатысқан Виталий Тайберт өсе келе үлкен додаларға араласып кетеді. 

2003 жылы Бангкокте финалда жеңілген ол күміс жүлде алады.

2003 жыл. 57 келі. 

1/16 финал. 

Галиб Джафаров — Жахоннгир Абдуллаев (Қырғызстан) 3-раундта техникалық нокаут,

Виталий Тайберт — Чен Тонгжоу (Қытай) автоматты жеңіс.

1/8 финал. 

Галиб Джафаров — Юденис Гонзалес (Куба) 27:14,

Виталий Тайберт —Бекзод Хидиров (Өзбекстан) 26:14.

1/4 финал. 

Галиб Джафаров —Суттисак Самаксаман (Таиланд) 29:18,

Виталий Тайберт — Олег Ефимович (Украина) 35:19.

1/2 финал. 

Галиб Джафаров — Хван Чо Сеок (Оңтүстік Корея) 32:17,

Виталий Тайберт — Абдусалам Хасанов (Тәжікстан) 19:17.

Финал. 

Галиб Джафаров — Виталий Тайберт 43:35.

2004 жылдың қыс мезгілінде Афины Олимпиадасының жолдамасы сарапқа салынған Еуропа чемпионатында топ жарады. Сайыс барысында Түркияны 48:13, Румынияны 65:41, Беларусьті 45:24, финалда Франция боксшысын уақытынан бұрын жеңеді. 

2004 Афины Олимпиадасында 57 келіде бақ сынап, жартылай финалға дейін жетті. Ал фаворит ретінде барған Галиб Джафаров 1/4 финалда 2 дүркін Олимпиада чемпионы Алексей Тищенкодан (Ресей) жеңілді. 

Афины Олимпиадасы. 2004 жыл. 

1/16 финал. 

Виталий Тайберт — Даниел Брезуела (Аргентина), 3-раундта техникалық нокаут. 

1/8 финал. 

Виталий Тайберт — Хедафи Джелфир (Франция) 40:26.

1/4 финал. 

Виталий Тайберт — Луиз Франко Васкес (Куба) 34:26.

1/2 финал. 

Виталий Тайберт — Сонг Гак Ким (Солтүстік Корея) 24:29.

Қазақстан ұлттық құрамасының бас бапкері болған Тұрсынғали Еділов те Виталий жайлы оң бағасын берген: 

Виталий өзге неміс боксшыларына ұқсамайды. Қорғаныста жұдырықтасқаннан гөрі, шабуылдауды ұнатады. Бойында қазақ боксына тән кей дүниелер бар екені көрінеді. 

Олимпиададан соң, 2005 жылы әскерилер арасындағы әлем чемпионатында топ жарады. 

2005 жылы Германияның Universum Box-Promotion компаниясымен келісімшартқа отырып, кәсіпқой бокспен айналысады. Отандасымыз Геннадий Головкин де 2005 жылы осы компаниямен келісіп, Виталий Тайберт екеуі 3 жылдай бір баспанада тұрады, бірге жаттығады.

2009 жылы Мексика боксшысы Умберто Мауро Гутьерресті ұпай санымен жеңіп, WBC тұжырымы бойынша жартылай жеңіл салмақта уақытша әлем чемпионы атанады. Ал 2010 жылы наурыз айында толыққанды әлем чемпионы атағы беріледі. 

2010 жылдың қараша айында чемпиондық белбеуін қорғау мақсатында жапон боксшысы Такахиро Аосен шығып, төрешілер шешімімен жеңілді. Жалпы кәсіпқой рингте 24 мәрте жеңіске жетіп, 2 рет қана есе жіберген.

Геннадий Головкин мен Виталий Тайберттің өзара ұқсастығы: 

2000 жылы Будапештте өткен жасөспірімдер арасындағы әлем чемпионатында 2 боксшы да 1-орын алды. 

2003 жылы ересектер арасындағы әлем чемпионатында Геннадий Головкин топ жарса, Виталий Тайберт 2-орын алды. 

2004 жылы Афины Олимпиадасында Геннадий Головкин күміс жүлде алса, Виталий Тайберт қола жүлдегер атанды. 

2005 жылы қос спортшы да кәсіпқой боксқа ауысты. 

2010 жылы Геннадий Головкин WBA тұжырымы бойынша орта салмақта әлем чемпионы атанса, Виталий Тайберт WBC тұжырымы бойынша жартылай жеңіл салмақта әлем чемпионы болды.

Қанат БАЙҰЗАҚОВ