Спорт

Ironman Kazakhstan: Астанада жол қозғалысы жартылай жабылады

30-06-2023 Елорда ақпарат

Астанада Ironman Kazakhstan жарысы күні жол қозғалысы жартылай жабылады, деп хабарлады Elorda.info.

2 шілде күні сағат 06:00-ден бастап 19:00-ге дейін жолдар бойында жарыс қашықтығы өтетін жерлерде жол қозғалысы жартылай бөгеледі.

Спортшылардың қашықтан өтуіне қарай трассалар ашылады. Жарыстың сөресі және мәресі Триатлон паркінде болмақ.

Жолдарды бөгеу сызбанұсқасы:

04:00-18:00 Б.Момышұлы даңғылының бойы – Елім-ай көшесінен бастап Сарайшық көшесіне дейін жолдың екі жолағын жартылай бөгеу.

04:00-18:00 Байтұрсынұлы көшесінің бойы – Тәуелсіздік даңғылына дейін жолдың екі жолағын жартылай бөгеу.

04:00-11:00 Тәуелсіздік даңғылынан бастап - Нәжімеденов көшесінің бойынан Қалдаяқов көшесіне дейін жартылай бөгеу.

04:00-11:00 Нәжімеденов көшесінен бастап Қалдаяқов көшесінің бойымен, Арыс көпірі арқылы, көпірден оңға қарай ауыспамен Мәңгілік ел көшесіне шығып, Достық көшесіне дейін, оңға қарай бұрылып, Ақорда алдындағы алаңға дейін. Одан әрі алаңды айнала және Арыс көпірінің асты арқылы ОКЗ бойымен шыға берістен кейін Әлихан Бөкейхан көшесі.

04:00-11:00 Әлихан Бөкейхан көшесі бойымен Керей-Жәнібек көшесіне дейін.

04:00-11:00 Керей-Жәнібек көшесінің бойымен 38-ші көшеге дейін жартылай бөгеу.

04:00-11:00 38-ші көше бойымен Ұлы Дала даңғылына дейін жартылай бөгеу.

04:00-18:00 Ұлы Дала даңғылынан бастап Оңтүстік айналма жолына дейін.

04:00-18:00 Айналмалы айналма жол бойында М36 тасжолына шығатын ауыспа жағынан шығатын ішкі жағының жартылай бөгеуі, әрі қарай, Қорғалжын тасжолынан бұрылысқа дейін және Нұрпейіс Бағанин көшесі – Велотұрақ қиылысының қасындағы бұрылысқа дейін.

04:00-18:00 Оңтүстік айналма жолынан оңға, Ұлы Дала даңғылы бойымен жаңа көпір арқылы Нәжімеденов көшесіне дейін.

04:00-18:00 Нәжімеденов көшесінен бастап Тәуелсіздік даңғылына дейін. Ары қарай Байтұрсынұлы көшесі бойымен Триатлон паркіндегі мәреге дейін.

Бұл іс-шара мемлекеттің қатысуынсыз әуесқой спорттың дамуына серпін беру мақсатында жеке қаражат есебінен өткізіледі.

Соңғы бес жыл ішінде атаулы жарыс Астананың халықаралық ірі оқиғасына айналды: тек соңғы жылда бұл шараға 5 мыңнан астам көрермен қатысты.

-->

Осындай танымал және мәртебелі спорттық іс-шаралар спортпен қатар, туризм саласына да үлес қосады. Айтарлықтай маңызды оқиғалар біздің қаламыздың дамуына және позитивті имидж жасауда жақсы себепкер. Біз өз тарапымыздан қозғалыстың бірқалыпты болуын және қолайсыздықты азайтуды қамтамасыз етіп, керекті шаралар қолданып жатырмыз. Сіздерді осы маңызды спорт оқиғасын және жалпы қаламызды қолдауға шақырамыз, - деді Ironman жарысын ұйымдастырушылар.