Елордада спорт күніне арналған бұқаралық велошеру өтті

Велоспортпен айналысатын астаналықтар бүгін таңғы сағат 7-ден бастап Қосшы жақтағы айналма жолдың бойына жиналды.

Велошерудің ашылу салтанатында сөз алған Астана қаласы Дене шынықтыру және спорт басқармасының спорт бөлімінің басшысы Азамат Ағзамов қатысушыларға жылы лебізін білдіріп, спорт күнімен құттықтады.

Бұл жолы велошеруге қатысуға 406 адам ниет білдірген. Олардың ең егдесі 68 жаста, ал кішісі небәрі 6-дағы балақай. Барлығы бірге айналма жолдан бастап Үркердегі «Жасыл белдеу» тұрғын алабының саябағына дейінгі 25 шақырым жерді жүріп өтті.

Шараға қатысушылардың кейбірі таныстарымен және отбасы мүшелерімен бірге келген. Солардың бірі қала тұрғыны Алмат Елемес балаларына үлгі болу үшін өзі де спортпен айналысып жүргенін айтты. Бүгінгі велошеруге қызын және туысының баласын ертіп келіпті.  

Шара аяқталғаннан кейін велосипедшілер арасында лотерея және бағалы сыйлықтар ойнатылды.

-->

Велоспортпен айналысатын астаналықтар бүгін таңғы сағат 7-ден бастап Қосшы жақтағы айналма жолдың бойына жиналды.

Велошерудің ашылу салтанатында сөз алған Астана қаласы Дене шынықтыру және спорт басқармасының спорт бөлімінің басшысы Азамат Ағзамов қатысушыларға жылы лебізін білдіріп, спорт күнімен құттықтады.

«Спорт – денсаулықтың кепілі, ерік-жігердің шыңдалуы және ұлттың болашағы үшін маңызды сала. Бүгін біз велошеруге қатысу арқылы спортқа деген сүйіспеншілігімізді, ортақ мүдделерімізді және бірлігімізді көрсетеміз. Әрбір айналған педаль біздің денсаулығымызды нығайтуға және болашақ ұрпаққа үлгі көрсетуге қосқан үлесіміз. Баршаңызға денсаулық, күш-қуат тілеймін және спорттағы жаңа жеңістермен құттықтай отырып, алдағы уақытта да спортқа деген ынта-жігерлеріңіз арта түссін деп тілеймін. Велошеру сәтті өтіп, спорттық рухтарыңыз жоғары болсын» - деді Азамат Ағзамов.

Бұл жолы велошеруге қатысуға 406 адам ниет білдірген. Олардың ең егдесі 68 жаста, ал кішісі небәрі 6-дағы балақай. Барлығы бірге айналма жолдан бастап Үркердегі «Жасыл белдеу» тұрғын алабының саябағына дейінгі 25 шақырым жерді жүріп өтті.

Шараға қатысушылардың кейбірі таныстарымен және отбасы мүшелерімен бірге келген. Солардың бірі қала тұрғыны Алмат Елемес балаларына үлгі болу үшін өзі де спортпен айналысып жүргенін айтты. Бүгінгі велошеруге қызын және туысының баласын ертіп келіпті.  

«Өзім осымен үшінші мәрте велошеруге қатысып отырмын. Бұл жолы 9-сыныпта оқитын қызым мен інімнің баласы менімен бірге келіп, жарысқа қатысты. Жарыс жақсы ұйымдастырылған, арнайы бекітілген адамдар бізге жол көрсетіп, бағыт сілтеп тұрды. Өзім осындай шараларға қатысып жүргеніме қуанамын және қала әкімдігі мен Дене шынықтыру және спорт басқармасына алғысымды айтамын», - деді ол.

Шара аяқталғаннан кейін велосипедшілер арасында лотерея және бағалы сыйлықтар ойнатылды.