Елордада Денис Тенді еске алуға арналған халықаралық турнир өтеді
Астанадағы «Барыс Арена» спорт кешенінде мәнерлеп сырғанаудан 3-5 қазан аралығында «Denis Ten Memorial Challenge 2024» V халықаралық турнирі өтеді, деп хабарлады Elordainfo.kz.
«Denis Ten Memorial Challenge 2024» V халықаралық турниріне 31 елден 120-ға жуық спортшы қатысады.
Жарыс жеке конькимен сырғанау, сондай-ақ мұз биі бойынша жасөспірімдер мен ересектер санаттарында өтеді.
Айта кетейік, турнирді «Денис Тен қоры» қоғамдық қоры ұйымдастырған. Бас демеуші - «Самұрық-Қазына» АҚ.
Жарысқа Астана қаласының әкімдігі және «Sportqory» спортты қолдау қоры қолдау көрсетіп жатыр.
Жарыс кестесі ұйымдастырушының @denistenfoundation ресми аккаунтында жарияланады.