Бокстан Азия чемпионатын тікелей эфирде қайдан көруге болады
Бүгін Таиландтың Чиангмай қаласында өтіп жатқан бокстан Азия чемпионатының финалдық жекпе-жектері өтеді, деп хабарлады Elordainfo.kz.
Olympic.kz сайтының хабарлауынша, әйелдер арасынан бес спортшы алтын медаль үшін сынға түседі.
Шешуші кезеңде Қазақстан құрамасының намысын қорғайтын спортшылар: Виктория Графеева (60 келіге дейін), Аида Әбікеева (63 келіге дейін), Наталья Богданова (67 келіге дейін), Гүлсая Ержан (81 келіге дейін) және Елдана Тәліпова (81 келіден жоғары).
Жекпе-жектерді тікелей эфирде Азия бокс конфедерациясының ASBC YouTube-арнасынан көруге болады.
Басталуы Астана уақытымен 12:00-де.
Айта кетейік, бұдан бұрын қазақстандық бұрымдылар финалда кімдермен жұдырықтасатыны белгілі болған.