Қазақстан құрамасы Азия ойындарына аттанды
Туризм және спорт министрі Ермек Маржықпаев Алматы облысындағы республикалық олимпиадалық даярлық базасында XIX жазғы Азия ойындарына қатысатын Қазақстан құрамасымен кездесті, деп хабарлады Elorda.info ведомствоның баспасөз қызметіне сілтеме жасап.
Сары құрлықтың басты бәсекесі 23 қыркүйек пен 8 қазан аралығында Қытайдың Ханчжоу қаласында өтеді. 4 жылда бір рет ұйымдастырылатын жарысқа еліміздің атынан 524 атлет қатысады. Олар 30 спорт түрінен 305 медаль үшін таласады.
Айта кету керек, Қазақстан құрамасы 1994 жылдан бері Азия ойындарына сегізінші рет қатысуда.
Ермек Маржықпаев спортшылар және жаттықтырушылар құрамымен әңгімелесіп, оларға сәттілік тіледі. Министр Азия ойындарында табысты өнер көрсету өте маңызы екенін айтты. Себебі байрақты бәсекеде құрлық чемпионы атағымен қатар спорттың 8 түрінен Париж Олимпиадасының жолдамасы сарапқа салынады.
Еске салсақ, осыған дейін Туризм және спорт министрлігі Азия ойындарында жүлде алған спортшылар мен олардың жаттықтырушыларына берілетін ақшалай ынталандыру мөлшерін жариялаған болатын.
Атап айтқанда, құрлық чемпионы атанған спортшыға 10 000 АҚШ доллары көлемінде ақшалай сыйақы беріледі. Ал, алтын медаль иегерін жарысқа дайындаған жаттықтырушыға 5000 АҚШ доллары қарастырылып отыр. Құрлық біріншілігінің күміс жүлдегері 5000 АҚШ доллары, ал жаттықтырушысы 3000 АҚШ доллары көлемінде сыйақы алады. Сондай-ақ, қола медаль еншілеген құрама спортшысына 3000 АҚШ доллары, ал оның жаттықтырушысына 2000 АҚШ доллары көлемінде ақшалай ынталандыру белгіленген.
Азия ойындарының ашылу салтанаты 23 қыркүйекте Олимпиада спорт орталығы стадионында өтеді. Жарысқа сары құрлықтағы 45 мемлекеттен 15 мыңнан астам спортшы қатысады. Олар спорттың 40 түрінен жалпы саны 481 медаль жиынтығын өзара сарапқа салады.
-->Сары құрлықтың басты бәсекесі 23 қыркүйек пен 8 қазан аралығында Қытайдың Ханчжоу қаласында өтеді. 4 жылда бір рет ұйымдастырылатын жарысқа еліміздің атынан 524 атлет қатысады. Олар 30 спорт түрінен 305 медаль үшін таласады.
Айта кету керек, Қазақстан құрамасы 1994 жылдан бері Азия ойындарына сегізінші рет қатысуда.
Ермек Маржықпаев спортшылар және жаттықтырушылар құрамымен әңгімелесіп, оларға сәттілік тіледі. Министр Азия ойындарында табысты өнер көрсету өте маңызы екенін айтты. Себебі байрақты бәсекеде құрлық чемпионы атағымен қатар спорттың 8 түрінен Париж Олимпиадасының жолдамасы сарапқа салынады.
Біз осы сәтке дейін ұзақ әрі ауқымды жұмыс атқардық. Өте белсенді дайындықты өткердік. Кешенді жоспар әзірленді, 400-ден астам оқу-жаттығу жиындары өтті, түрлі турнирлер ұйымдастырылды, соның арқасында біздің спортшылар өздерін жоғары халықаралық деңгейде көрсетуге мүмкіндік алды. Санаулы күндерден кейін сіздер басқа елдердің талантты және шебер спортшыларымен бәсекеге түсесіздер. Бұл оңай емес, бірақ осындай турнирлерде мінез шыңдалады, құнды тәжірибе жинақталады. Баршаңызға сәттілік, жігер мен төзімділік тілеймін. Баршаңызды үлкен спорт мерекесінің басталуымен құттықтаймын және алдағы Азиадада ең биік шыңдарды бағындыруға тілектеспін! - деді министр.
Еске салсақ, осыған дейін Туризм және спорт министрлігі Азия ойындарында жүлде алған спортшылар мен олардың жаттықтырушыларына берілетін ақшалай ынталандыру мөлшерін жариялаған болатын.
Атап айтқанда, құрлық чемпионы атанған спортшыға 10 000 АҚШ доллары көлемінде ақшалай сыйақы беріледі. Ал, алтын медаль иегерін жарысқа дайындаған жаттықтырушыға 5000 АҚШ доллары қарастырылып отыр. Құрлық біріншілігінің күміс жүлдегері 5000 АҚШ доллары, ал жаттықтырушысы 3000 АҚШ доллары көлемінде сыйақы алады. Сондай-ақ, қола медаль еншілеген құрама спортшысына 3000 АҚШ доллары, ал оның жаттықтырушысына 2000 АҚШ доллары көлемінде ақшалай ынталандыру белгіленген.
Азия ойындарының ашылу салтанаты 23 қыркүйекте Олимпиада спорт орталығы стадионында өтеді. Жарысқа сары құрлықтағы 45 мемлекеттен 15 мыңнан астам спортшы қатысады. Олар спорттың 40 түрінен жалпы саны 481 медаль жиынтығын өзара сарапқа салады.