Қазақстан полицейлері шағын футболдан халықаралық турнирде жеңіске жетті
Қазақстан полицейлері Нидерландының Айберген қаласында шағын футболдан «World Police Indoor Soccer Tournament» халықаралық турнирінің жеңімпазы атанды, деп хабарлады Elordainfo.kz Polisia.kz сайтына сілтеме жасап.
Бұл жарыс 1982 жылдан бері өткізіліп келеді және жыл сайын әлемнің түкпір-түкпірінен түрлі мемлекеттік құрылымдардың қызметкерлерін жинайды. Жалпы бұл спорттық сайысқа полиция қызметкерлері, өрт сөндірушілер, кеден қызметкерлері, әскерилер мен салық инспекторлары қатысады.
Жарыс төрт санат бойынша өткізіледі: ерлер, әйелдер, 35 жастан және 45 жастан асқан ер адамдар.
Өткен жылы турнирге 25 елден 106 команда қатысты. Биыл да қатысушылар саны сол деңгейде.
Қазақстан ІІМ намысын Шымкент қаласы Полиция департаментінің қызметкерлері қорғады. Олар жоғары дайындық деңгейін көрсетіп, бірінші орынды иеленді.