Астаналық студент халықаралық турнирде топ жарды
Еуразия ұлттық университетінің студенті Еркежан Ерланова Біріккен Араб Әмірліктерінде джиу-джитсудан өткен халықаралық UAE National PRO 2023 турнирінде чемпион атанды, деп хабарлады Elorda.info.
Еркежанның салмақ дәрежесінде Колумбия, Грекия, БАӘ, Сауд Арабиясы, Морокко елдерінің спортшылары өнер көрсетті.
-->Еркежанның салмақ дәрежесінде Колумбия, Грекия, БАӘ, Сауд Арабиясы, Морокко елдерінің спортшылары өнер көрсетті.
Алғашқы кезеңде 32 жастағы Колумбия спортшысымен кездестім. Бес минут күресіп, 21:0 есебімен жеңіске жеттім. Ал екінші кездесуде Морокко елінің спортшысымен жекпе-жекке шықтым. Мұнда қылқындыру әдісін жүзеге асырдым. Финалдық белдесуде Camila Quintana деген спортшымен күрестім. Бойының ұзын болғаны маған біраз келеңсіздік тудырғанымен, 2 минут ішінде 8:0 есебімен кездесуді аяқтадым, - деп Еркежан өзінің әсерімен бөлісті.