Астанада Koktal Run марафоны өтеді
Астанада Республика күніне орай Сарыарқа ауданында Koktal Run жүгіру марафоны өтеді, деп хабарлады Elordainfo.kz қала әкімдігінің ресми сайтына сілтеме жасап.
19 қазан Koktal Run жүгіру марафоны ұйымдастырылады. Оған жеңіл атлетиканы ұнататын әрбір тұрғын қатыса алады.
Жүгіру қашықтығы:
1. Балалар (14 жасқа дейінгі ұлдар): 2 км;
2. Балалар (14 жасқа дейінгі қыздар): 1 км;
3. Ересектер (18-49 жасқа дейінгі ерлер): 5 км;
4. Ересектер (18-49 жасқа дейінгі әйелдер): 5 км.
5. 50 жастан асқан ерлер/әйелдер (5 км қашықтық);
Қатысушылар саны – 500 адам.
Күні: 19.10.2024, сағат 09:00.
Марафонға тіркеу: 14-18 қазан.
Өтетін орны: «Көктал» саябағы, Бейбарыс көшесі.
Марафон соңында балалар мен ересектер арасында 1, 2, 3-орын қатысушылары марапатталады. Марафон жеңімпаздары мен жүлдегерлері диплом, медаль және бағалы сыйлыққа ие болады.