Александр Бублик алғаш рет ATP 500 турнирінде топ жарды

Үлкен теннистен Германияда өткен ATP 500 турнирінде 26 жастағы Александр Бублик алғаш рет чемпион атанды. Нәтижесінде әлемдік рейтингте рекордтық 27-орынға көтеріледі, деп хабарлады Elorda.info.

Отандық теннис тарихында бұған дейін ерлер бәсекесінде бірде-бірде спортшы ATP 500 турнирін жеңбеген. Бірде-бір теннисші әлемдік рейтингте ТОП-30-ға кірмеген. 

Кімдерді жеңді? 

1/16 финал. Борна Чорич (Хорватия, 14-орын) 6:3, 6:1

1/8 финал. Ян-Леннард Штруфф (Германия, 22-орын) 6:3, 6:7 (4:7), 6:3

1/4 финал. Янник Синнер (Италия, 8-орын) 7:5, 2:0 (бас тартты) 

1/2 финал. Александр Зверев (Германия, 21-орын) 6:3, 7:5

Финал. Андрей Рублев (Ресей, 7-орын) 6:3, 3:6, 6:3

Шөп корттағы финалдары: 

Шөп корт. 2022 жыл. Ньюпорт ATP 250. Максим Кресси (АҚШ) 6:2, 3:6, 6:7 (3:7)

Шөп корт. 2019 жыл. Ньюпорт ATP 250. Джон Изнер (АҚШ) 6:7 (2:7), 3:6

Жалпы шөп кортта 41 ойын өткізіп, 26-сында жеңіске жеткен. Пайыздық мөлшермен санағанда, ең жоғарғы көрсеткіш. 

Бұған дейінгі титулдары: 

Хард. 2022 жыл. Монтпелье АТР 250. Александр Зверев (Германия) 6:4, 6:3

Хард. 2019 жыл. Монтеррей челленджер. Эмилио Гомес (Эквадор) 6:3, 6:2

Хард. 2019 жыл. Пау челленджер. Норберт Гомбос (Словакия) 5:7, 6:3, 6:3

Хард кортта 152 ойын өткізіп, 76 рет жеңген. 76 мәрте есе жіберген.

Енді 3 шілдеде басталатын «Уимблдон» үлкен дулыға бәсекесінде отандық жанкүйерлер  2022 жылғы чемпион Елена Рыбакина мен Александр Бубликтен үлкен үміт күтетіні анық. 

Александр Бублик бұған дейін «Уимблдонда» 5 рет бақ сынаған. 2021, 2022 жылдары ең үздік көрсеткіші ретінде 1/32 финалға (үшінші айналым) дейін жеткен. 

2022 жыл. Фрэнсис Тьяфу (АҚШ, 4-раундта жеңіледі) 6:3, 6:7 (1:7), 6:7 (3:7), 4:6

2021 жыл. 3-раунд. Хуберт Хуркач (Польша, жартылай финалға дейін жетті) 3:6, 4:6, 2:6

Қанат Байұзақов