Қазақстан спортшылары нысана көздеуден рекорд жаңартып, көш бастады
Қазақстандық мергендер 12 алтын, 12 күміс және 12 қола медальмен жалпыкомандалық есепте көш бастады.
Екінші орынға 5 алтын, 8 күміс және 4 қола медаль жеңіп алған Өзбекстан командасы, үшінші сатыға 5 алтын және 3 күміс иеленген Индонезия құрамасы жайғасқан.
Азия біріншілігіне құрлықтың 10 мемлекетінен 176 спортшы қатысты. Командалар арасынан Кувейт құрамасы ғана жүлдесіз қалды.
Нысана көздеуден Қазақстан командасының бас бапкері Ольга Довгунның айтуынша, бұл отандық мергендер үшін ең жоғарғы көрсеткіш.
-->Қазақстандық мергендер 12 алтын, 12 күміс және 12 қола медальмен жалпыкомандалық есепте көш бастады.
Екінші орынға 5 алтын, 8 күміс және 4 қола медаль жеңіп алған Өзбекстан командасы, үшінші сатыға 5 алтын және 3 күміс иеленген Индонезия құрамасы жайғасқан.
Азия біріншілігіне құрлықтың 10 мемлекетінен 176 спортшы қатысты. Командалар арасынан Кувейт құрамасы ғана жүлдесіз қалды.
Нысана көздеуден Қазақстан командасының бас бапкері Ольга Довгунның айтуынша, бұл отандық мергендер үшін ең жоғарғы көрсеткіш.
«Біз Азия чемпионаты сынды ірі бәсекені өз жерімізде алғаш рет өткізіп тұрмыз. Осы орайда, аталған біріншілік ұйымдастыру жағынан да бізге үлкен тәжірибе болды. Құрлықтық дода өз елімізде өтіп жатқандықтан, ересектер мен жасөспірімдер арасында толық құрам қатыстыруға, алдағы буынды да бір тексеріп алуға тырыстық.
Азия чемпионатындағы нәтижеміз көңілден шығады. Қазақстанның рекорды жаңарғанын көрдіңіздер. Жай ғана жаңарып қойған жоқ, мұндай нәтижемен әлемдік жарыстарда финалға өтіп, жүлдеге таласуға мүмкіндік бар.
Барлық спортшылар өздерін жақсы қырынан көрсетті. Жасөспірімдер мұндай ірі жарысқа алғаш қатысып тұрса да атақты қарсыластарынан қорықпай, финалда жақсы нәтиже тіркеді.
Ересектер арасынан ел рекордын жаңартқан Ислам Усейновті ерекше атап өткім келеді. Жасөспірімдер арасынан Никита Шахторин көзге түсті. Ол да ел рекордына түзету енгізді. Осы дода арқылы біз жас спортшылардың әлеуетін де бір сынап алдық.
Азия чемпионатын абыроймен өткізгені үшін барлық спортшыларға, бапкерлер мен ұйымдастырушыларға алғыс айтамын», - дейді бас бапкер Ольга Довгун.