«Өзімді ақтағым келмейді»: Шәріп Серік бұрынғы сүйіктісінен кешірім сұрады
Танымал актер Шәріп Серіктің бұрынғы құрбысы Әлия Бутеева әлеуметтік желідегі парақшасында актердың өзіне қол көтергенін айтқан еді. Осы оқиға байланысты актер желіде мәлімдеме жасады, деп хабарлады Elordainfo.kz.
Оқи отырыңыздар: «Абыройымды қорғауға мәжбүрмін»: актер Шәріп Серік бұрынғы сүйіктісіне қол көтерген
«Менің атым – Шәріп Серік. Мен кез келген зорлық-зомбылықтың түріне қарсымын. Өкінішке қарай, сіздердің барлығыңыз менің Әлия Бутееваны лифтіден дөрекі түрде сүйреп шығарғанымды көрдіңіздер. Өзімді ақтағым келмейді. Бұл – үлкен қателік. Заң бойынша жауап беруге дайынмын. Көбі шуланып, ызаға булыққан сәтті түсінетін шығар. Бірақ менің қателігімді қайталамаңыздар. Мен шапалақпен ұрдым және сол үшін Әлиядан, оның отбасынан осы әрекетіме куә болған барлық адамнан кешірім сұраймын, - деді актер.
Желі қолданушылары актердің бұл әрекетін қызу талқылауда.
«Қазақ еліне +1 Бишімбаев», «Тек әлсіздер қызға қол көтереді», «Ұялмай зорлық-зомбылыққа қарсымын дейді», «Сүйікті актерім еді, өкінішті», «Өтірік айтып тұр, сөзінде шынайлылық жоқ»,- деп жазуда олар.
Айта кеетйік, желіде жарияланған бейнежазбадан лифт ішіндегі оқиға көрсетілген. Онда бойжеткенді актер лифт ішінен тартып алып шығарып жатқаны көрсетілген. Сонымен қатар жазбада қыз өзінің беті қызарған суретін жариялады.