«Жақсылық жасағанда абайлау керек»: Жазира Байырбекова елді ойландырып қойды
Белгілі әнші Жазира Байырбекова өзінің әлеуметтік желідегі парақшасында жақсылық жасау туралы жазба жариялады, деп хабарлады Elordainfo.kz.
«Адамға жақсылық жасарда да абай болу керек екенін түсіндім. Сен кімге көп жақсылық жасайсың-сол сенің жауыңа айналуы мүмкін дейді зерттеушілер. Бір досымыз бейтаныс көпбалалы отбасына жиі көмектесіп жүріп ,тоқтаған ғой. Ол отбасындағы әйелдің әпкесі хабарласып «Сенің басың істей ма? Көмектеспегеніңе көп болыпты.Аш отыр деп ойламайсың ба?» деп ұрсыпты»,- деп жазды Жазира Байырбекова.
Өнер иесі өз басында да сондай жағдай болғанын айтты.
«Мен өз бала-шағамды өзім асырап жүрмін» деп менен көптен көмек алмағанына ренжіп жүргендер де бар. Жақсылық жаса да ұмыт-дейді. Бірақ ұмытуға мүмкіндік бермей қоятындар ше?! Біреу маған міндетті деп өмір сүретін масылдық психологимен жүретіндер бар ма айналаңызда? Осыған ұқсас оқиғаларыңыз болса жазыңыздаршы. Әңгімелеспегелі көп болыпты сіздермен»,- деді әнші.
Желі қолданушылары осы тақырыпқа қатысты түрлі пікір білдірді.
«Жария қылмай жасау керек деген дұрыс шығар», «Рахметі жоқ адамдар көп қой», «Әр бір адам ешкімнен жақсылық көмек күтпей өмір сүрсін», «Жақсылықты үнсіз түсіне алатынға ғана жасау керек», «Тегін нәрсе бағаланбайды», «Кедейдің кербезінен сақта деп қазақ бекер айтпаған ғой», - деді олар.