Жұлдыз Әбдікәрімова оқырмандарынан көмек сұрады
Танымал актриса Жұлдыз Әбдікәрімова үйдің жөндеу жұмыстарына қатысты көпшіліктен көмек сұрады, деп хабарлады Elordainfo.kz.
Өнер иесі жаңа пәтер іздеп жатқанын айтты.
«Менің өмірімде жаңа кезең басталды. Алда бөлісетін көптеген жақсы жаңалықтар бар. Енді маған қызық тақырып, ремонт, дизайн интерьера… Өйткені жөндеу жұмыстарына дайындық», – деп жазды актриса.
Айта кетейік, отандық киножұлдыз құны 170 миллион теңге тұратын баспанасынан айырылып қалған еді.
«Мен үшін бәрі де аяқталды. Балаларыма, өзіме тиесілі дүние қайырымен қайтты. Әу бастан бұл жағдайды сынақ деп қабылдағаным рас. Ешкім ешқашан үйрете алмайтын өмірлік сабақ болды», – дейді ол.
Бұған дейін ол былтыр жаз бойы ауруханада ем қабылдағанын айтқан болатын.