«Абыройымды қорғауға мәжбүрмін»: актер Шәріп Серік бұрынғы сүйіктісіне қол көтерген

Желіде жарияланған бейнежазбадан лифт ішіндегі оқиға көрсетілген. Онда бойжеткенді ер адам лифт ішінен тартып алып шығарып жатқаны көрсетілген. Сонымен қатар жазбада қыз өзінің беті қызарған суретін жариялады.

«Мен ешқашан сүйікті адамым маған қол көтерді деп айтам деп ойламадым. Бұл фотосуреттер мен бейнежазбаны жарияламасам, онда өзіме опасыздық жасағандай боламын.  Мүмкін маған психологиялық тұрғыдан оңай болмауы мүмкін. Егер физикалық тұрғыдан әлсіз болсам да, психикалық тұрғыдан әлсіз емеспін. Мен өзімді және абыройымды қорғауға мәжбүрмін. Оылай өмір сүретіндерге бұл қалыпты емес екенін түсіндіргім келеді. Сенім мен сүйіспеншіліктен басталған оқиға осындайға айналғаны өте өкінішті»,- деп жазды Әлия Бутеева.

Желі қолданушылары бойжеткенді барынша қолдауда.

Танымал әнші Say Mo бұрынғы күйеуі Шәріп Серіктің әрекетіне қатысты пікір білдірді.

«Осындай оқиғаның қайталанғаны өкінішті. Мен бұл адамның осындай әрекетіне қатты таңғалмаймын. Абьюзерлер өз кінәсін мойындай алмайды, сәйкесінше мұндай адамдар ешқашан өзгермейді. Өйткені, олардың ойынша олар керемет адамдар»,- деп жазды желі жұлдызы Say Mo.

Сонымен қатар әнші актерден талай қорлық көргенін айтты.

«Шынымды айтсам, таңғалмаймын. Бес жыл бұрын талай қорлық көрдім. Әлі күнге дейін терапияда жүрмін. Мен де сол кезде қолымда дәлел болмағасын тақырыпты қозғауға қорықтым. Себебі оның анасы – адвокат. Одан кейін бәрі мені кінәлады. Тіпті, кейбір таныстарым менен теріс айналды. Әлі есімде Алматыдағы Вавилон тұрғын үй кешенінің алдында қол көтерді. Бірақ мен тұрғын үй кешенінің администрациясына хабарласып, бейнежазбаны ала алмадым. Сол түні әріқарай не болғанын айтып бастасам, қорқынышқа толы әңгіме болады», – деп жазды әнші. 

Бұл оқиғадан кейін Sәlem Entertainment компаниясы актер Шәріп Серікпен әріптестік қарым-қатынасын тоқтату туралы шешім қабылдағандарын мәлімдеді. 

«Соңғы оқиғаларға байланысты Sәlem Entertainment ұжымы Шәріп Серікті «қара тізімге» енгізіп, онымен кез келген ынтымақтастықты толығымен тоқтатты. Бұған дейін жарияланған «Шакал» сериалы мен «Qarga» сериалының үшінші маусымы ресми түрде жабылды. Сонымен қатар, актер «Meow» сериалының екінші маусымында басты рөлдердің бірін сомдауы тиіс болған, алайда ол жобадан толықтай алынып тасталды. Сондай-ақ «Патруль: последний приказ» фильмінің шығармашылық ұжымы актердің қатысуымен түсірілген көріністерді кинонұсқадан алып тастау жұмыстарын қолға алды. Актермен барлық келісім-шарт тоқтатылды, – деп жазылған компания хабарламасында.