Халықаралық әріптестер тарапынан зор сенімге ие болдық – Ерлан Қарин
Мемлекеттік кеңесші Ерлан Қарин қазақстандық әскери қызметшілерді БҰҰ-ның бітімгерлік миссиясына қатысуы туралы пікір білдірді, деп хабарлады Elorda.info.
Оның айтуынша, Қазақстан соңғы 10 жыл көлемінде БҰҰ-ның бітімгерлік операцияларына қатысып келеді.
-->Бүгін Парламент палаталарының бірлескен отырысында Мемлекет басшысының қазақстандық әскери қызметшілерді БҰҰ-ның бітімгерлік миссиясына қатысуға жіберу туралы ұсынысы қолдау тапты. БҰҰ-ның бітімгерлік қызметіне атсалысу – Қазақстанның сыртқы саясатының маңызды бөлігі. Бұл біздің соғыс пен қақтығыстардың алдын алуға қатысты бірлескен іс-әрекетке қосқан үлесіміз, - деді Мемлекеттік кеңесші.
Оның айтуынша, Қазақстан соңғы 10 жыл көлемінде БҰҰ-ның бітімгерлік операцияларына қатысып келеді.
Бұл еліміздің әлем алдындағы беделін көтеруге және ұстанымын нығайтуға көмектесті. Сондай-ақ БҰҰ мен халықаралық әріптестер тарапынан зор сенімге ие болдық, - дейді Е.Қарин.