Астанаға Абу-Дабидің тақ мұрагері ресми сапармен келді
Қазақстанға Абу-Дабидің тақ мұрагері шейх Халед бен Мұхаммед бен Заид Әл-Нахаян ресми сапармен келді, деп хабарлайды Elordainfo.kz.
Үкіметтің мәліметінше, сапар аясында Қазақстан мен Біріккен Араб Әмірліктері арасындағы стратегиялық әріптестікті нығайту мәселелері жоғары деңгейде талқыланады.
«БАӘ – Қазақстанның араб әлеміндегі негізгі сауда-экономикалық серіктесі. Екі мемлекеттің басшылығы тауар айналымын 1 млрд долларға дейін ұлғайту жөнінде бірлескен шаралар қабылдауда», - делінген Үкіметтің хабарламасында.