Заң органы студенттердің негізсіз оқудан шығып қалуының алдын алды
Ақмола облысының прокуратурасы университеттерде оқып жатқан 116 студенттің негізсіз оқудан шығару қаупінің алдын алды, деп хабарлады Elordainfo.kz.
Жергілікті атқарушы органның 116 студенттің оқу ақысына байланысты медициналық университеттерге 72,7 млн теңге көлемінде кредиторлық берешегі қалыптасқаны анықталды.
Аталған берешек 2024 жылдан бастап жиналған, ал бұл студенттердің негізсіз оқудан шығарылуына әкелуі мүмкін еді.
«Қадағалау актісі бойынша берешек толық өтелді, кінәлі тұлғалар жауапкершілікке тартылды, нәтижесінде 116 студенттің құқықтары қорғалды», - делінген хабарламада.