«Түркиядан алтын бұйымдар жеткізіп беремін» деген уәдеге сеніп 3 млн теңгесінен қағылған
Қызылорда қаласының 35 жастағы тұрғыны полицияға жүгініп, өзін алдап кеткен әйел туралы арызданған, деп хабарлады Elordainfo.kz Polisia.kz-ке сілтеме жасап.
Жәбірленушінің айтуынша, күдікті оның сеніміне кіріп, «Түркиядан алтын бұйымдар жеткізіп беремін» деп уәде берген. Алайда ол алаяқтық жолмен жәбірленушіден 3 миллион теңге көлемінде ақша алған.
«Жедел-іздестіру шараларының нәтижесінде күдікті қолға түсті. Қазіргі уақытта оған қатысты ешқайда кетпеу және тиісті мінез-құлық туралы қолхат түріндегі бұлтартпау шарасы қолданылды», - делінген хабарламада.
Тергеу амалдары жалғасып жатыр.