Атырауда ер адам көп қабатты үйдің шатырынан секірмекші болды
1 ақпан күні сағат 10:06 шамасында 102 арнасына қала тұрғыны Алмагүл мөлтек ауданындағы көп қабатты үйдің шатырында інісінің өзіне қол жұмсамақшы болып тұрғаны туралы дабыл қаққан, деп хабарлады Elordainfo.kz Polisia.kz-ке сілтеме жасап.
Оқиға орнына патрульдік полиция қызметкерлері Серік Жолдығалиұлы мен Нұрсұлтан Жақсыбаев, учаскелік полиция инспекторлары Бағытжан Сабырғалиев пен Ерболат Сапашев жедел жетті.
«Полиция қызметкерлері шұғыл әрекет етіп, өз-өзіне қол жұмсамақшы болған 19 жастағы азаматты шатырдан түсіріп алды», - делінген хабарламада.
Қазіргі уақытта азамат жедел-тергеу тобына тапсырылып, аталған оқиғаға байланысты тиісті шаралар жүргізілуде.
