Омбы-Майқапшағай тасжолында 4 адам қаза тапты (ВИДЕО)
Омбы-Майқапшағай тасжолында бірнеше адам көз жұмған жол апаты болды. Бұл туралы Абай облысының Полиция департаменті мәлімдеді, деп хабарлады Elordainfo.kz.
3 қазан күні Омбы-Майқапшағай тасжолында бірнеше жол-көлік оқиғасы тіркелді.
Қайғылы жағдайлардың себебі – жол қозғалысы ережелерін өрескел бұзу: қарсы жолаққа шығу және тұтас сызықпен белгіленген жерде бұрылу.
Апат салдарынан төрт адам қаза тапты.
Абай облысының Полиция департаменті барлық жүргізушіге рульге отырған әр сәтте аса мұқият болуды ескертеді.