«Крем ретінде рәсімдеген»: 700 келіден астам героинді елге әкелмек болған екі шетелдік сотталды
2024 жылғы мамыр айында Түркістан облысындағы Б.Қонысбаев атындағы шекара өткізу бекетінде елге 770 кг героинді заңсыз әкелу әрекеті әшкереленді, деп хабарлады Elordainfo.kz Бас көлік прокуратурасына сілтеме жасап.
Белгілі болғандай, есірткі аяқ киімге арналған крем ретінде рәсімделіп, Еуропа елдеріне транзитке шығарылмақ болған.
Сотта мемлекеттік айыптаушы шетелдік екі азаматтың кінәсін толық дәлелдейтін айғақтар ұсынды.
Қылмыстық істер жөніндегі мамандандырылған ауданаралық сот оларды 14 жылға бас бостандығынан айыруға үкім шығарды.
Үкім заңды күшіне енген жоқ.