«Қазақстан азаматтары аман»: СІМ ресми өкілі Таиландта катердегі жарылысқа қатысты айтты
Таиландтың Пхукет аралында туристер мінген катер жарылды. Сыртқы істер министрлігі ресми өкілі Айбек Смадияров катердегі жолаушылардың арасында Қазақстанның 4 азаматы болғанын растады, деп хабарлады Elordainfo.kz.
«Катердегі жолаушылардың арасында Қазақстанның 4 азаматы болды. Олардың барлығы дін-аман, Таиландта демалыстарын жалғастыру туралы шешім қабылдады. Екі азаматтың паспорттары өртеніп кетті. Ертең консул оларға уақытша құжаттарды ресімдеп, сонымен Қазақстанға орала алады»,- деді Айбек Смадияров.