Ақтауда ММА спортшысының мәйіті табылды
Әлеуметтік желіде Ақтауда қоқыс контейнерлерінің жанынан ер адамның денесі табылғаны туралы ақпарат тарады, деп хабарлады Elordainfo.kz.
Lada.kz жазуынша, ол бұрын түрлі турнирлерге қатысқан жекпе-жек шебері.
Полиция департаменті бұл ақпаратты растады.
«Ер адамның денесінің табылғанына қатысты сотқа дейінгі тергеу басталды. Сараптама тағайындалды. Тергеу жалғасып жатыр. Басқа мәліметтер тергеу мүддесі үшін жарияланбайды», – деді полиция департаментінің баспасөз қызметі.
Желі қолданушыларының мәліметінше, оның денесі жараланып, толық ісінген, беті қарайған.