Оқиға

Алматы облысында қаза тапқан ұландық наградаға ұсынылды

25-02-2023 Елорда ақпарат

Бұл туралы 5571 әскери бөліміндегі бұқаралық ақпарат құралдарының өкілдерімен өткен баспасөз мәслихатында айтылды.

Жауынгерлік даярлық жоспарына сәйкес 2022 жылғы 8-13 тамыз аралығында 5571 әскери бөлімінің жедел мақсаттағы батальонының жеке құрамы (Алматы қаласы) 5574 әскери бөлімінің оқу орталығында (Алматы облысы Жетіген кенті) далалық оқу-жаттығуында болған.

2022 жылдың 9 тамызында, шамамен 20.55-те қатты дауыл соғып, тігілген шатырлардың қирауы басталған. Қатардағы жауынгер А.Шахимов өз әріптестерімен бірге бірінші кезекте жеке құрамның қауіпсіз жерге шығуына және шатырлы қалашықтың қирауын жоюға көмек көрсете бастаған. Қауіпті орыннан соңғы шыққан А. Шахимов шатырдың металл жақтауының желмен жұлынған соққысынан басынан жарақат алады. Оған дереу алғашқы медициналық көмек көрсетіледі. Сарбаз Қонаев қаласының (Қапшағай) қалалық медициналық мекемесіне жеткізіледі, кейін онда әскери қызметшінің қайтыс болғаны анықталды.

Осылай жауынгер А.Н. Шахимов өзінің жанқиярлық әрекетімен қаруластарын құтқару барысында ауыр жарақат алып, мерт болды.

Қатардағы жауынгер Шахимов 2003 жылы туған, Ақмола облысы Көкшетау қаласының қорғаныс істері жөніндегі департаментімен 2022 жылдың көктемінде шақырылған.

Қатардағы жауынгер А.Шахимовтың денесі әскери бортта Алматыдан Көкшетауға жіберіледі. Алмастың ата-анасына заңнамаға сәйкес 500 АЕК (1 531 500 теңге) және 80 АЕК (245 040 теңге) материалдық көмек көрсетіледі. "Оңтүстік" ӨңҚ қолбасшылығы әскери қызметшіні қайтыс болғаннан кейін көтермелеу туралы өтініш жасайтын болады.

Дауыл кезінде тағы 14 әскери қызметші жарақат алды, олардың үшеуі келісімшарт бойынша әскери қызметшілер. Оларға медициналық көмек көрсетілді.

Аталған күні сарбаздар жедел мақсаттағы далалық шығуға қатысты. Бөлімше жұмысының реттілігі пысықталды, түнгі және күндізгі оқ атулар, іс-қимыл тактикасы – түрлі міндеттерді орындау-қоғамдық тәртіпті қорғау, техногендік сипаттағы дағдарыс жағдайларында жұмыс істеу болды. Оқу-жаттығуға барлығы 250 сарбаз қатысты.

Шатырды әскери қызметшілердің өздері командирлердің басшылығымен орнатты. Ол ресейлік өндіріс болды. Бөлімге жіберер алдында барлық шатырларды комиссия тексереді.

Сондай-ақ, баспасөз мәслихатында дауыл кезінде марқұмның әріптестері оны қалай құтқарғанын айтты.

Олардың айтуынша, қайтыс болған жауынгер оларға көмекке келген, бірақ көрінудің нашарлығына байланысты өзін құтқара алмады.

Қазақстан Республикасы Ұлттық ұланының Бас қолбасшылығы мен "Оңтүстік" өңірлік қолбасшылығы қатардағы жауынгер А.Н. Шахимовтың ата-аналары мен жақындарына қайғырып көңіл айтады.

-->

Біз жолдасымызды, Отанымыздың қорғаушысын жоғалтып алдық. Табиғи апаттарды болжау мүмкін емес — дауыл туралы ескерту болған жоқ. Ол өз өміріне қауіп төнетінін біліп, әріптестеріне көмектесті, соңғы болып шатырдан шықты. Қатты желдің салдарынан металл конструкциялары құлады. Ол басынан жарақат алды. Оны ауруханаға жіберді. Бірақ, өкінішке қарай, сағат 21.30-да қалалық аурухананың дәрігерлері қайтыс болғанын анықтады. Қызметтің алғашқы күндерінен бастап ол өзін адал сарбаз, нағыз азамат, Отан қорғаушысы ретінде көрсетті. 27 мамырда Көкшетаудан шақырылды. Бір ай бойы өзінің қызметтестерімен бірге қызметтік пунктте болды. Өзін көшбасшы, спортшы, жақсы дос, жолдас, жақсы бағынышты адам ретінде көрсетті. Әскери борышын орындау кезінде қаза тапты. Ол Ұлттық ұланның, халқымыздың қаһарманы, ата-анасының нағыз ұлы, - деді "Оңтүстік" өңірлік қолбасшылығы қолбасшысының бірінші орынбасары полковник Бекайдар Қазкеев.

Қызметтік тергеу өңірлік қолбасшылық ауқымында жүргізіледі. Әскери тергеу басқармасы, әскери прокуратура да өз бағасын береді. Барлығы ашық тексеріледі. Қылмыстық іс тергелуде, - деді офицер.

Оның командирлері мен бастықтары жақын жерде болып, көмек көрсетті. Металл құрылымы 100-150 метр радиуста ұшып кетті. Маған бағынышты адамдар кейбір көліктердің қатты дауылдан айналғанын айтты. Алмас көпсалалы құтқару училищесін бітірген. Ол бастапқыда жолдастарына көмектесуге дайын адам болатын. Біз үшін ол мәңгі батыр болып қала береді, - деді 5571 әскери бөлімінің командирі полковник Бақдәулет Оспанбеков.

Сондай-ақ, баспасөз мәслихатында дауыл кезінде марқұмның әріптестері оны қалай құтқарғанын айтты.

Біз үшеуіміз БӨП-те кезекшілікте болдық. Сағат 21.00-ге жақын дауыл басталды. Біз бораннан тығылу үшін бірінші ротаның шатырына бет алдық. Оны жел қозғап, біз оны ұстап тұруға тырыстық, не істеу керектігін білмедік. Есіктің алдында болды. Алмас бізге көмекке келді, бізді қауіпсіз жерге апарды. Біз оны 10 минут күттік, содан кейін мен оны іздеуге шықтым. Ол екпетімен жатыр екен. Біз дәрігерлерді шақырдық. Оның бетінде қан болды, - деді қатардағы жауынгер Ақылбек Аманов.