Оқиға

Қызылордада үш адамды атып кеткен күдіктілер ұсталды (ВИДЕО)

25-02-2023 Елорда ақпарат

7 мамырда Қызылорда қаласында орын алған атыс қаруынан үш азаматтың қайтыс болу дерегіне байланысты жүргізілген жедел іздестіру іс-шараларының нәтижесінде, алты күдікті ұсталып, қамауға алынды. Төрт күдіктіге қатысты іздеу жарияланды.

Қазіргі таңда қылмыстық істің мән-жайы жан-жақты, толық және объективті түрде тергеп-тексеру жұмыстары жүргізілуде.

-->

Оқиға болған жерді тексеру барысында және күдіктілердің тұрғылықты мекенжайларынан бес қару-жарақ, бірнеше оқ-дәрілер, есірткі және жеті автокөлік айғақ зат ретінде алынып, тиісті сараптамалар тағайындалды. Барлық қатысушының жеке басы анықталып, жәбірленуші тараптың қауіпсіздігі қамтамасыз етілді. Жоғарыда көрсетілген қылмыстық құқықбұзушылықтар негізінде сегіз қылмыстық іс, яғни адам өлтіру бойынша – 2, бұзақылық бойынша – 2, қарудың заңсыз айналымы бойынша 3 іс және есірткінің заңсыз айналымы бойынша бір іс тіркелді, – деді Қызылорда облысының Полиция департаменті бастығының орынбасары Байжан Байгелді.