Елордалық студенттер театры халықаралық фестивальде бас жүлдені иеленді
Л.Гумилев атындағы ЕҰУ «Шаңырақ» студенттік театры халықаралық «Sea. Sun. Festival» фестивалінде «Драмалық театр» номинациясы бойынша бірінші орынды жеңіп алды. Қазақстандық жастар еуропалық көрермендерге режиссер Қуандық Қасымовтың «Қыз Жібек» саунд-драмасының қойылымын қазақ тілінде ұсынды, деп хабарлады Elorda.info.
Халықаралық фестиваль Испанияның Льорет-де-Мар қаласында өтті. Онда «Театр» аталымы бойынша 7 мемлекеттен 9 театр ұжымы өнер көрсетті. Қазылар алқасы спектакльдің қойылым деңгейін және ЕҰУ студенттерінің актерлік шеберлігін жоғары бағалады.
Айта кетейік, Еуразия ұлттық университетінің «Шаңырақ» студенттік театры 2011 жылы құрылған. Шығармашылық ұжымда 50-ден астам жас талантты әртіс өнер көрсетеді. Олар көптеген халықаралық байқауларда бірнеше мәрте топ жарған.
«Шаңырақ» – драматург Жолтай Әлмашұлының «Мұңмен алысқан адам» қойылымын ағылшын тілінде сахналаған еліміздегі алғашқы студенттік театр.
Олардың репертуарында – К.Жүнісовтің «Ғашықтар тарихы» комедиясы, Қ.Қасымовтың «Тамаша айым – тамызым» монодрамасы, А.Оразбековтің «Бір түп алма ағашы» психологиялық драмасы, С.Жүнісовтің «Жаралы гүлдер», «Махаббат қызық мол жылдар», «Желсіз түнде жарық ай», «Ғасыр дерті» секілді басқа да қойылымдар бар.
-->Л.Гумилев атындағы ЕҰУ «Шаңырақ» студенттік театры халықаралық «Sea. Sun. Festival» фестивалінде «Драмалық театр» номинациясы бойынша бірінші орынды жеңіп алды. Қазақстандық жастар еуропалық көрермендерге режиссер Қуандық Қасымовтың «Қыз Жібек» саунд-драмасының қойылымын қазақ тілінде ұсынды, деп хабарлады Elorda.info.
Халықаралық фестиваль Испанияның Льорет-де-Мар қаласында өтті. Онда «Театр» аталымы бойынша 7 мемлекеттен 9 театр ұжымы өнер көрсетті. Қазылар алқасы спектакльдің қойылым деңгейін және ЕҰУ студенттерінің актерлік шеберлігін жоғары бағалады.
Айта кетейік, Еуразия ұлттық университетінің «Шаңырақ» студенттік театры 2011 жылы құрылған. Шығармашылық ұжымда 50-ден астам жас талантты әртіс өнер көрсетеді. Олар көптеген халықаралық байқауларда бірнеше мәрте топ жарған.
«Шаңырақ» – драматург Жолтай Әлмашұлының «Мұңмен алысқан адам» қойылымын ағылшын тілінде сахналаған еліміздегі алғашқы студенттік театр.
Олардың репертуарында – К.Жүнісовтің «Ғашықтар тарихы» комедиясы, Қ.Қасымовтың «Тамаша айым – тамызым» монодрамасы, А.Оразбековтің «Бір түп алма ағашы» психологиялық драмасы, С.Жүнісовтің «Жаралы гүлдер», «Махаббат қызық мол жылдар», «Желсіз түнде жарық ай», «Ғасыр дерті» секілді басқа да қойылымдар бар.