Референдумда өз таңдауымызды жасауымыз керек – Әділ Ахметов
Астанада референдум жалғасып жатыр. Елордадағы учаскелердің бірінде Қазақстанның еңбек сіңірген қайраткері, актер Әділ Ахметовті кездестірген болатынбыз. Ол Elordainfo.kz тілшісіне бүгінгі іс-шараның маңыздылығы туралы айтып берді.
«Мемлекет атом электр станциясын салу мәселесі бойынша референдум өткізіп отыр. Сол үшін де бәріміз дауыс беріп, өз таңдауымызды жасауымыз керек. «Келісіп пішкен тон келте болмас» дегендей, халық өз таңдауын жасауы үшін референдум ұйымдастырылуын өз басым құптаймын. Бұл жерде Үкімет нақты шешім қабылдайтын кезде халықпен санасатынын көріп отырмыз», - деді Әділ Ахметов.