V Дүниежүзілік көшпенділер ойындары: Көкпардан ұлттық құрама финалға шықты
Көкпардан Қазақстан ұлттық құрамасы финалға шықты, деп хабарлады Elordainfo.kz Туризм және спорт министрлігіне сілтеме жасап.
«Көкпаршылар Ресей командасын 18:2 есебімен жеңіп, Дүниежүзілік көшпенділер ойындарының финалына жолдама алды. Финалда Қазақстан Қырғызстан-Түркия кездесуінде жеңіске жеткен командамен алтын жүлдені сарапқа салады. «Қазанат» ипподромында өтіп жатқан көкпар бәсекесіне 9 мемлекеттің құрамасы қатысып жатыр. Бұл спорт түрінен барлығы 104 спортшы сынға түседі. Көкпардан бақ сынайтын құрамалар: Қазақстан, АҚШ, Ресей, Өзбекстан, Қырғызстан, Венгрия, Қытай, Моңғолия және Түркия», - деп жазылған хабарламада.