Елорда жаңалықтары

QAR FEST: Астанада аққалалар байқауы басталды

Сабина Кәкімжан

Елордада бүгіннен, яғни 15 қаңтардан бастап, 15 ақпанға дейін Есіл өзенінің жағалауында «Таза Қазақстан» акциясы аясында QAR FEST аққалалар байқауы өтеді, деп хабарлады Elordainfo.kz.

Қатысу шарттары:

  1. «Таза Қазақстан» экологиялық акциясының тақырыбына сәйкес келетін ерекше аққала жасаңыз.
  2. Өз жұмысыңызды суретке түсіріңіз.
  3. Суретті 15 ақпанға дейін Instagram парақшаңызға жариялап, #ТазаҚазақстан және #QarFestSaryarqa хэштегтерін қосыңыз. Сондай-ақ @saryarqa.audany парақшасын белгілеуді ұмытпаңыз.

Аққалаларды Есіл өзенінің жағалауында, мұз айдынының жанында жасауға болады.

Ең үздік жұмыстардың авторлары аудан әкімінің дипломдарымен және естелік сыйлықтармен марапатталады.

QAR FEST — шығармашылық қабілеттеріңізді көрсетудің, экологиялық бастамаларды қолдаудың және елордаға ерекше қысқы көңіл күй сыйлаудың тамаша мүмкіндігі!