Елордалықтар сайлау учаскесін төрт тәсілмен онлайн біле алады
Қазақстанда АЭС салу бойынша жалпы республикалық референдум 6 қазанда өтеді. Астана тұрғындары өз сайлау учаскесі туралы ақпаратты үйден шықпай-ақ, бірнеше әдіспен біле алады, деп хабарлады Elordainfo.kz.
Астана қаласының әкімдігі өз сайлау учаскеңіз туралы ақпаратты нақты уақыт режимінде алу үшін келесі сервистерді ұсынады:
1. Ресми веб-сервис: sailau.astana.kz;
2. Telegramдағы чат-бот: sailau_astana_bot;
3. iKomek бірыңғай байланыс орталығы, 109 телефоны бойынша.
4. «Smart Astana» мобильді қосымшасында «New» бөлімінде – «Референдум учаскесін іздеу». Қосымшаны App Store немесе Google Play арқылы жүктеп алыңыз.