Елордалық полицейлер жүргізушілерді жол ережесін қатаң сақтауға шақырды
Елордалық полицейлер жүргізушілерді ауа райының қолайсыздығына байланысты аса сақ болуға және жол ережесін қатаң сақтауға шақырды, деп хабарлады Elorda.info.
Астана қаласының Полиция департаменті қар жаууына, көру мүмкіндігінің нашарлауына және көктайғақ болуына байланысты елорда тұрғындары мен қонақтарын жолда аса сақ болуды, белгіленген жылдамдықты қатаң сақтауды, көлікті кенет тежемеуді, жол қозғалысының жылдамдығын сақтауды, қашықтық, бүйірлік аралық және маневр жасау ережелері қатаң сақтауды сұрайды, - деді қалалық полиция департаменті.
Ерекше сақтық шараларын жүргізушілер ғана емес, жаяу жүргіншілер де сақтауы керек.