Елордадан бір түнде 25 мың текше метрден астам қар шығарылды
Астананың коммуналдық қызметі тәулік бойы тоқтаусыз режимде жұмысын жалғастырып жатыр. Күн сайын қар тазалау жұмысына мыңдаған адам мен арнайы техника жұмылдырылады, деп хабарлады Elordainfo.kz.
16 қаңтар күні таңертең қар тазалау жұмысына 2 600-ден астам жол жұмысшысы және 1 300-ден астам арнайы техника шықты.
16 қаңтарға қараған түні елордадан қар полигондарына 1 871 рейспен 25 мың текше метрден астам қар шығарылды.
Қыс мезгілі басталғалы қаладан 255 673 ауыр жүк рейсімен 3,2 млн текше метрден астам қар шығарылды.
Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.
«Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.
Төтенше жағдай туындаған кезде «112» нөміріне хабарласыңыз», - делінген хабарламада.