Елордада You Fest жастар фестивалі өтеді
21 қыркүйекте «Barys Arena» мұз сарайында You Fest алтыншы фестивалі өтеді, деп хабарлады Elordainfo.kz қалалық әкімдіктің ресми сайтына сілтеме жасап.
Онда жас әрі талантты қазақстандықтардың басын қосатын музыкалық және би қойылымдары болады.
Фестиваль сағат 13:00-де All-styles баттл 3х3 – Қазақстанның үздік бишілерінің динамикалық жарысы арқылы басталады. Бас төреші ретінде белгілі қазақстандық биші Дәурен Айжарықов aka Darren-pop өнер көрсетеді. Қатысушылар 100 мың теңгелік жүлде қоры және өзін таныту мүмкіндігі үшін бақ сынайды.
Баттлдан кейін фестивальдің негізгі бағдарламасы сағат 18:00-де басталады, нақтырақ айтқанда, белгілі әртістердің қатысуымен концерт өтеді: HIRO, SAY MO, 6ELLUCCI, A.Z, Bonapart, MAKVIN, Izi punch, KEZEN, JANEL, Aka1dar, TUEZDAY.
«Бұл фестиваль жай ғана музыкалық іс-шара емес, жастардың және мәдениеттің дамуына ықпал ететін нағыз бәсеке», - деді You Fest ұйымдастырушылары.