Елордадағы жаңа қоғамдық кеңістікте 2 мыңнан аса жасыл желек отырғызылады
С.Рахимов-Ш.Уәлиханов көшелерінің қиылысындағы жаңа қоғамдық кеңістікте ағаш отырғызу жұмыстары басталды, деп хабарлады Elordainfo.kz.
Астана қаласы әкімдігінің мәліметінше, аталған кеңістікте 2 мыңнан аса жасыл желек отырғызу жоспарлануда.
Мәселен, ағаштардың: жалпақ жапырақты қарағаш, күл жапырақты үйеңкі, қарағай түрлері отырғызылса, бұталардың: Венгр сиреньі, ұсақ жапырақты қарағаш, қарағай, татар үйеңкілері отырғызылады.
Бүгінгі күні аталған учаскеде абаттандыру жұмыстары жалғасуда.