Елордада Түркістан көшесі жартылай жабылады
Астана қаласының Көлік және жол-көлік инфрақұрылымын дамыту басқармасы Түркістан көшесі бойынша Сығанақ көшесінен Алматы көшесіне дейінгі учаскеде жол төсеміне орташа жөндеу жүргізеді, деп хабарлады Elordainfo.kz.
Осыған байланысты 21-25 тамыз аралығында жоғарыда аталған учаске ішінара жабылады. Бұл ретте көлік қозғалысы Алматы көшесінен Сығанақ көшесіне қарай бір бағытта ұйымдастырылады.
Елорда тұрғындары мен қонақтары қала жолдарында кептеліс тудырмас үшін қозғалыс бағытын алдын ала жоспарлауы қажет, - делінген хабарламада.
