«Ел жүрегі – Елорда» байқауы: Өтінімдер қабылдау жалғасып жатыр
Elorda Aqparat медиасеріктестігі ұйымдастырып жатқан Астананың 25 жылдығына орай оқушылар арасында «Ел жүрегі – Елорда» атты шығармалар байқауына өтінімдер қабылдау жалғасып жатыр, деп хабарлады Elorda.info.
Бұл туралы Астана қаласының коммуникациялар қызметінде өткен брифингте медиахолдинг директоры Олжас Сыдықбек айтты.
Шығармалар 15 қазанға дейін қабылданады. Байқауға елорданың 7-11 сынып оқушылары қатыса алады.
Негізгі қойылатын талап - шығармада үміткер мектеп оқушыларының білім, инновация, спорт және мәдениет саласындағы әлеуеті мен мүмкіндіктерін ашудағы, арманын жүзеге асырудағы Астананың рөліне тоқталуы тиіс;
Байқау жеңімпазы мен жүлдегерлеріне бағалы сыйлықтар қарастырылған.
-->Бұл туралы Астана қаласының коммуникациялар қызметінде өткен брифингте медиахолдинг директоры Олжас Сыдықбек айтты.
Астана қаласының оқушылары арасында «Ел жүрегі – Елорда» атты шығармалар байқауын жариялап отырмыз. Шығармашылық байқау Астана қаласының 25 жылдығына арналады.
Байқаудың мақсаты:
– Журналист болуға ынталы оқушыларды қолдап, шығармашылық қабілетін шыңдау;
– Орта және жоғары сынып оқушыларын бейіндік оқытуға үлес қосып, олардың шығармашылық белсенділігін арттыру, газет редакцияларымен байланысын нығайту;
– Елордадағы білім беру мекемелері мен бұқаралық ақпарат құралдары арасындағы әріптестік пен ынтымақтастық байланысты дамыту, - деді басшы.
Шығармалар 15 қазанға дейін қабылданады. Байқауға елорданың 7-11 сынып оқушылары қатыса алады.
Негізгі қойылатын талап - шығармада үміткер мектеп оқушыларының білім, инновация, спорт және мәдениет саласындағы әлеуеті мен мүмкіндіктерін ашудағы, арманын жүзеге асырудағы Астананың рөліне тоқталуы тиіс;
Шығармалар қазақ тілінде қабылданады. Шығарма 3 беттен аспауы тиіс. Қатысушылар байқау жұмысын baiqay-astana@mail.ru электронды поштасына жолдай алады. Жеңімпаздарды 5 адамнан құралған Конкурстық комиссия анықтайды. Олардың құрамына еліміздің және қаламыздың медиа саласының белгілі журналистері кіреді, - деді Олжас Сыдықбек.
Байқау жеңімпазы мен жүлдегерлеріне бағалы сыйлықтар қарастырылған.
Жүлдеге іліккен үздік шығармаларды «Астана ақшамы» газетінде жариялауды ұйғарып отырмыз. Байқаудың қорытындысы Республика күні қарсаңында салтанатты марапаттау кешінде жарияланады. Жобадан күтілетін нәтижелер:
– Астана қаласындағы білім беретін ұйымдар мен медиа серіктестіктің арасында шығармашылық байланыс артады;
– Мектептегі позитивті жаңалықтарды насихаттап, ұстаздардың тәжірибесін, оқушылардың жетістігі дәріптейді;
– Журналистер мектеп оқушыларының интеллектуалдық және шығармашылық қабілетін арттыруға үлес қосады.
Жобаға және байқауға қатысты қосымша мәліметтерді elorda info сайтынан немесе 8 (707) 560-18-08 ұялы байланыс нөмірі арқылы білуге болады, - деді медиахолдинг директоры.