Ел дамуына үлес қосқан астаналық кәсіпкерлер марапатталды
Еліміздің басты құжаты – Конституциямыздың 30 жылдық мерекесі қарсаңында Астана қаласы Инвестициялар және кәсіпкерлікті дамыту басқармасында салтанатты марапаттау шарасы өтті, деп хабарлады Elordainfo.kz.
Іс-шара аясында қоғамның игілігі жолында адал еңбек етіп жүрген кәсіпкерлердің ел дамуына қосқан елеулі үлесі аталып, Алғыс хаттармен марапатталды.
Жиын барысында басқарма басшысының орынбасары Қуаныш Сапаров жиналғандарды атаулы күнмен құттықтап, жылы лебізін білдірді:
«Экономиканы дамыту, инвестициялық тартымдылықты арттыру және кәсіпкерлікті қолдау бағытындағы реформалар мен бастамалар Конституция нормаларына сай жүзеге асырылып келеді. Ата заңымыз – бизнестің дамуына құқықтық кепілдік беріп, еліміздің әлеуметтік-экономикалық өркендеуіне берік негіз болды», - деді ол өз сөзінде.
Бұл марапат – олардың кәсіби табандылығы мен жауапкершілігінің жоғары бағасы ғана емес, сонымен қатар еліміздің даму жолындағы сүбелі үлесінің айқын көрінісі болып саналады.