Астаналық сегіз жасар оқушы шахматтан Азия чемпионы атанды
Астанадағы №86 мектеп-гимназиясының 2-сынып оқушысы Әбдіқайым Мұхаммедғали шахматтан Таиландта өткен Азия чемпионатында алтын медальға ие болды, деп хабарлады Elordainfo.kz қалалық Білім басқармасына сілтеме жасап.
Сегіз жасар чемпион Әбдіқайым бұған дейін шахмат ойынынан өткен Akbulak Open-2023 халықаралық турнирінде бақ сынап, үш мәрте күміс жүлдегер атанған. Сондай-ақ ол әлем чемпионаттарына да қатысқан.