Астанадан бір түнде 32 мың текше метрден астам қар шығарылды
Бүгін күндізгі ауысымда қар тазалау жұмысына 2 400-ге жуық жол жұмысшысы шықты, деп хабарлады Elordainfo.kz Астана қаласы әкімдігінің сайтына сілтеме жасап.
Оған 1 200-ден астам арнайы техника жұмылдырылды.
15 қаңтарға қараған түні елордадан қар полигондарына 32 мың текше метрден астам қар 2 409 рейспен шығарылды.
Қыс мезгілінің басынан бастап қаладан 250 944 ауыр жүк рейсімен 3 млн текше метрден астам қар шығарылды.
Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар кейін алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.
Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.
Қалада бірнеше жабдықталған қар полигоны бар.
«Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» нөміріне хабарласыңыз», - деп жазылған хабарламада.