Елордада жас қызды құтқарған Ұлттық ұлан сарбаздары марапатталды
Бұл туралы Астана қаласы Төтенше жағдайлар департаментінің баспасөз қызметі мәлім етті, деп хабарлады Elordainfo.kz.
Астана қаласының ТЖД бастығы, генерал-майор Марат Күлдіковтің бұйрығымен судан адам өмірін құтқару кезінде көрсеткен батылдығы мен жанқиярлығы үшін ҚР Ұлттық ұлан Жедел батальонының қатардағы солдаттары Нариман Мырзахметов, Дамир Мұқашов және Давид Корсунов алғыс хаттармен марапатталды.
Айта кетейік, қатардағы жауынгерлер 2 қазанда патрульдеу кезінде Атырау көпірінен суға құлап кеткен қызды құтқарып, жедел жәрдем бригадасы келгенге дейін медициналық көмек көрсеткен болатын.