Астанада Оралхан Бөкейдің 80 жылдығы тойланды
Астанадағы Ұлттық академиялық кітапханада жазушы, драматург Оралхан Бөкейдің 80 жылдығына орай іс-шаралар өтті, деп хабарлады Elorda.info.
Ұлттық академиялық кітапханада өткен конференцияға мәдениет пен қоғам қайраткерлері, жазушылар мен зиялы қауым өкілдері қатысты. Келген қонақтарға Оралхан Бөкейдің 80 жылдығына арналған мерейтойлық медаль салтанатты түрде табысталып, «Шолпандай таң алдында туып – батты» кітабының тұсауы кесілді.
Мұнда Оралхан Бөкейдің 80 жылдығына орай өмірі мен шығармашылығына арналған кітап көрмесі ұйымдастырылды. Кейін Қазақстан Республикасының Президентінің кеңесшісі Бауыржан Омаров Қасым-Жомарт Тоқаевтың атынан мерейтоймен құттықтап, ресми құттықтау хатын табыстады.
Конференцияда ғалым, алаштанушы, Қазақстан Журналистер Одағының мүшесі Сағымбай Жұмағұл баяндама жасап, абайтанушы, филология ғылымдарының докторы, профессор Тұрсын Жұртбай, журналист, қоғам қайраткері Нұртөре Жүсіп, жазушы, публицист, Қазақстанның еңбек сіңірген қайраткері Алдан Смайыл сөз сөйледі.
-->Ұлттық академиялық кітапханада өткен конференцияға мәдениет пен қоғам қайраткерлері, жазушылар мен зиялы қауым өкілдері қатысты. Келген қонақтарға Оралхан Бөкейдің 80 жылдығына арналған мерейтойлық медаль салтанатты түрде табысталып, «Шолпандай таң алдында туып – батты» кітабының тұсауы кесілді.
Мұнда Оралхан Бөкейдің 80 жылдығына орай өмірі мен шығармашылығына арналған кітап көрмесі ұйымдастырылды. Кейін Қазақстан Республикасының Президентінің кеңесшісі Бауыржан Омаров Қасым-Жомарт Тоқаевтың атынан мерейтоймен құттықтап, ресми құттықтау хатын табыстады.
Оралхан Бөкей – ұлт руханиятының көкжиегін кеңейтуге зор үлес қосқан біртуар тұлға.
Қарымды қаламгер әдебиет әлеміне алғаш қадам басқан сәттен бастап шоқтығы биік шығармаларымен оқырман қауымның ықыласына бөленді.
Жазушының жауһар мұралары көптеген шет тіліне аударылды, пьесалары еліміздің іргелі өнер ордаларында қойылып, көрермен көзайымына айналды.
«Алтайдың Кербұғысы» атанған ерекше дарын иесінің шығармашылық жолы, азаматтық ұстанымы және қайраткерлік қасиеті – жастарға әрдайым үлгі-өнеге. Оның мол әдеби мұрасы әлі талай ұрпаққа рухани азық бола беретіні сөзсіз - делінген Президенттің құттықтау хатында.
Конференцияда ғалым, алаштанушы, Қазақстан Журналистер Одағының мүшесі Сағымбай Жұмағұл баяндама жасап, абайтанушы, филология ғылымдарының докторы, профессор Тұрсын Жұртбай, журналист, қоғам қайраткері Нұртөре Жүсіп, жазушы, публицист, Қазақстанның еңбек сіңірген қайраткері Алдан Смайыл сөз сөйледі.
Бірнеше жылдан бері Ауылдық аймақтарды тұрақты дамыту қоры республика көлемінде көптеген жобаларды жүзеге асырып келе жатыр. Аймақтардағы жобаларымызда стратегиялық, экологиялық, туристік бағытқа басымдық берген едік. Биылдан бастап біз мәдениетке көңіл бөлуді шештік. Өйткені тұрақты дамудың негізін білім беру мен экономикалық даму тұрғысынан ғана емес, ұлттық құндылықтар жағынан да қарастыруға ұмтылдық. Осы тұрғыда көрнекті жазушы, драматург, ақын Оралхан Бөкейдің мерейтойына мән беруді шештік. Катонқарағайдан бастау алған мерейтой бүгінде Астанада жалғасын тапты. Өздеріңіз білетіндей, мерейтой Алматыда республикалық айтыспен аяқталады, - деді Ауылдық аймақтарды тұрақты дамыту қорының басшысы Серік Жүнісов.