Астанада Бурабай көшесі уақытша жабылады
Астананың Көлік және жол-көлік инфрақұрылымын дамыту басқармасы Бурабай көшесінің учаскесі жөндеу жұмысына жабылатынын мәлімдеді, деп хабарлады Elordainfo.kz.
Бурабай көшесінің Хантау көшесінен Ш.Құдайбердіұлы даңғылына дейінгі аралықтаа жол жөндеу жұмыстары жүргізіледі. Осыған байланысты 3-18 маусым аралығында көлік қозғалысы толықтай шектеледі.
Жүргізушілер мен жаяу жүргіншілер қозғалыс бағытын алдын ала жоспарлап, мүмкін болатын өзгерістерді ескеруі қажет.
Қауіпсіздікті қамтамасыз ету және қолайсыздықтарды азайту мақсатында уақытша жол белгілері мен бағыттаушы көрсеткіштер орнатылады.
