Астанада Қажымұқан Мұнайтпасов көшесі жабылды
Бұл туралы елорда әкімдігің ресми сайты мәлімдеді, деп хабарлады Elordainfo.kz.
Астана қаласының Көлік және жол-көлік инфрақұрылымын дамыту басқармасы 9-12 қыркүйек аралығында Қажымұқан Мұнайтпасов көшесінің Тәуелсіздік даңғылынан М. Жұмабаев даңғылына дейінгі аралығындағы жолдың жоғарғы қабатын салу жұмысын жүргізеді.
Осы уақытта автокөлік құралдарының қозғалысы екі бағытта бір жағынан кезең-кезеңімен ұйымдастырылады. Жүргізушілер мен жаяу жүргіншілерден жүру бағытын алдын ала жоспарлауы қажет.
Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылды.
