Астанада азаматтық қоғамды дамытуға арналған конференция өтті
Бүгін Астанада азаматтық қоғамды дамытуға арналған онлайн-конференция өтті деп хабарлады Elordainfo.kz ҚР Мәдениет және ақпарат министрлігіне сілтеме жасап.
Конференцияны Мәдениет және ақпарат министрлігінің қолдауымен Қазақстанның Азаматтық Альянсы ұйымдастырды. Іс-шараға Қазақстанның 20 өңірінен белсенді азаматтар, сондай-ақ үкіметтік емес ұйымдар мен мемлекеттік құрылымдардың өкілдері қатысты.
Конференцияда азаматтық қоғам мен мемлекеттің бірігіп жұмыс істеуі, өзара байланыстың нәтижесінде мысалдар талқыланды. Сонымен қатар азаматтық белсенділік пен әлеуметтік бастамаларды іске асыру мәселелері де сөз етілді.
«Іс-шара аясында ҮЕҰ қызметінің 7 бағыты бойынша 30-дан астам үздік кейс ұсынылды», - делінген хабарламада.
Қатысушылар елдің тұрақты дамуы үшін мемлекеттік құрылымдар мен азаматтық қоғам арасындағы ынтымақтастықтың тиімді тетіктерін құрудың маңызын атап өтті.