Астанада Герцен көшесінің учаскесі жөндеу жұмысына байланысты жабылды
Астана қаласының Көлік және жол-көлік инфрақұрылымын дамыту басқармасы А.Герцен көшесінің Р.Дүйсенбаев көшесінен Д. Карбышев көшесіне дейінгі аралығына жөндеу жүргізеді, деп хабарлады Elordainfo.kz Астана қаласы әкімдігінің ресми сайтына сілтеме жасап.
Осыған байланысты аталған учаске 23 тамыз бен 6 қыркүйек аралығында ішінара жабылады.
Жүргізушілер мен жаяу жүргіншілер қозғалыс бағытын алдын ала жоспарлауы және ықтимал өзгерістерді ескеруі қажет. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады.