Елорда жаңалықтары

«Ардагерлер ұйымы» республикалық қоғамдық бірлестігінің Астана қалалық филиалының IV пленумы өтті

Астана қаласы мәслихатының төрағасы Табиғат Зейнұлқабден Астана қаласының әкімі Жеңіс Қасымбекпен бірге аталған пленумға қатысқаны туралы өзінің Instagram-дағы парақшасында жазды, деп хабарлады Elordainfo.kz.

«Күн тәртібіндегі негізгі мәселелер – ұйымның биылғы жылға арналған жұмыс жоспары және Ұлы Отан соғысындағы Жеңістің 80 жылдығына арналған іс-шаралар. Бүгінде елордада 140 мыңнан астам зейнеткер, оның ішінде 6 соғыс ардагері және 1 157 тыл еңбеккері тұрады. Өткен жылы Астана қаласы әкімдігі мен мәслихаты бірлесіп әзірлеген «Белсенді ұзақ өмір» кешенді жоспары бекітілді.

Аталған құжат аясында: тегін құқықтық көмек көрсету, қайырымдылық іс-шараларын өткізу, емханаларда арнайы медициналық кабинеттер ашу және басқа да маңызды әлеуметтік бастамалар қарастырылған», - деп жазды ол. 

Сондай-ақ ол ардагерлердің өмір сүру сапасын жақсарту бағытындағы жұмыстар алдағы уақытта да жалғасын табатынын айтты.