Қала маңына қатынайтын 2 автобустың бағыты өзгерді
Қаражар ауылына дейін қатынайтын № 300 және №312 қаламаңы бағдарының бағыты өзгерді, деп хабарлады Elorda.info.
25 желтоқсаннан бастап № 300 бағыттағы автобус №312 қала маңы бағдарының қозғалыс сызбасына сәйкес Қаражар ауылына дейін жүретін болып өзгертілді. Осылайша № 300 және № 312 бағдарлары біріктірілді. Әрі қарай қызмет көрсету № 312 бағдармен жүзеге асырылады, - деді «City Transportation Systems» ЖШС баспасөз қызметі.
Осыған байланысты № 312 бағдардың жүру кестесі өзгерді. Бағдардың жаңа кестесін @cts_kz парақшасынан көруге болады.